ଭୁବନେଶ୍ୱର- ରାଜ୍ୟରେ ଗୋଟିଏ ଦିନରେ ସର୍ବାଧିକ ୫୬୧ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରୁ ସଙ୍ଗରୋଧ କେନ୍ଦ୍ରର ୪୨୫ ହୋଇଥିବା ବେଳେ ୧୩୬ ସ୍ଥାନୀୟ ସଂକ୍ରମିତ ରହିଛନ୍ତି । ଚିହ୍ନଟ ନୂତନ ଆକ୍ରାନ୍ତଙ୍କ ମଧ୍ୟରୁ ଗଞ୍ଜାମରୁ ସର୍ବାଧିକ ୨୮୩, କଟକ ୮୧, ରାୟଗଡା ୭. ଖୋର୍ଦ୍ଧା ୨୬, ବରଗଡ ୨୧, ବଲାଙ୍ଗୀର ୧୯, ମୟୂରଭଞ୍ଜ ୧୦, ସମ୍ବଲପୁର ୮, କେନ୍ଦୁଝର ୬, କଳାହାଣ୍ଡି ୫, କେରାପୁଟ ୪, ସୁନ୍ଦରଗଡ, ଢେଙ୍କାନାଳ ଓ ଯାଜପୁରରୁ ୩ ଲେଖାଏଁ , ଝାରସୁଗୁଡା ୨, ଭଦ୍ରକ ଓ ପୁରୀରୁ ଜଣେ ଲେଖାଏଁ ରହିଛନ୍ତି । ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୮୧୦୬କୁ ବୃଦ୍ଧି ପାଇଥିବା ବେଳେ ୫୫୦୨ ଜଣ ସୁସ୍ଥ ହୋଇଛନ୍ତି । ବର୍ତମାନ ସୁଦ୍ଧା ୨୫୬୭ ସକ୍ରିୟ ମାମଲା ରହିଛି ।