ଭୁବନେଶ୍ବର: ଉହାନ ସହରରେ ୩ ହଜାର ମୁଣ୍ଡ ଗିଳିବା ପରେ କରୋନା ବିଦେଶକୁ ଡ଼ିଆଁ ମାରିଥିଲା ।ବିଦେଶରେ କରୋନା ଗିଳି ଚାଲିଛି ମୁଣ୍ଡ ପରେ ମୁଣ୍ଡ । କରୋନା ସଂକ୍ରମଣ କ୍ଷେତ୍ରରେ ଏବେ ଚୀନଠାରୁ ଓଡ଼ିଶା ପରି ଛୋଟ ରାଜ୍ୟ ବି ଆଗରେ ରହିଛି । ଚୀନରେ ଏବେ ସକ୍ରିୟ ସଂକ୍ରମିତଙ୍କ ସଂଖ୍ୟା ୧୦୦ ମଧ୍ୟରେ ରହିଥିବାବେଳେ ଓଡ଼ିଶାରେ ୮ଶହରୁ ଊର୍ଧ ସଂକ୍ରମିତଙ୍କ ମଧ୍ୟରୁ ସକ୍ରିୟ ରୋଗୀଙ୍କ ସଂଖ୍ୟା ୬୦୦ ଉପରେ । ଚୀନ ପରି ବିଶାଳ ଦେଶଠାରୁ ୬ ଗୁଣ ଅଧିକ ରୋଗୀ କେବଳ ଓଡ଼ିଶାରେ ଅଛନ୍ତି ଆଉ ଦେଶ କଥା ଦେଖିଲେ ଆମ ଦେଶରେ ଚୀନଠାରୁ ୫୬୦ ଗୁଣ ସକ୍ରିୟ ସଂକ୍ରମିତ ରୋଗୀ ଭାରତରେ ରହିଛନ୍ତି ।