କଟକ- ଗୁରୁଡିଝାଟିଆ ଗ୍ରାମରେ ଘଟିଛି ଅଭାବନୀୟ କାଣ୍ଡ । ପୁଅକୁ ଟାଙ୍ଗିଆ ଚୋଟରେ ହାଣି ମାଟିତଳେ ପୋତିଦେଲେ ବାପା ଓ ସାନ ଭାଇ । ।ପୁଲିସ ଘଟଣା ସ୍ଥଳରେ ପଂହଚି ନୃଶଂସ ବାପା ନରେନ୍ଦ୍ରଦେହୁରୀଙ୍କୁ ଗିରଫ କରିଛି । ଏହି ଅମାନୁସିକ ହତ୍ୟା କାଣ୍ଡରେ ସଂପୃକ୍ତ ସାନ ଭାଇ ଟିଟୁଆ ଫେରାର ହୋଇଯାଇଛି । କୁନିଆର ମୃତ ଦେହ ପୁଲିସ ଉଦ୍ଧାର କରି ଶବ ବ୍ୟବଛେଦ ପାଇଁ ପଠାଇଥିବା ବେଳେ ସାଇଂଟିଫିକ ଟିମ ତଦନ୍ତ ଆରମ୍ଭ କରିଛି । କୁନିଆର ବାପା କହିବା ମୁତାବକ ବଡ ପୁଅ ସବୁବେଳେ ମାଦକ ଦ୍ରବ୍ୟ ସେବନ କରି ଘରେ ଗଣ୍ଡଗୋଳ କରିବା ସହ ମାରପିଟ ମଧ୍ୟ କରୁଥିଲା । ବର୍ଷ ତଳେ କୁନିଆର ସ୍ତ୍ରୀ ଅତିଷ୍ଟ ହୋଇ ଘର ଛାଡି ଚାଲିଯାଇଛି । ପୁଲିସ ଠାରୁ ମିଳିଥିବା ପ୍ରାଥମିକ ସୂଚନା ଅନୁଯାୟୀ କୁନିଆର ଦୌରାତ୍ମ୍ୟ ସହି ନ ପାରି ରବିବାର ରାତିରେ ବାପା ଓ ସାନ ପୁଅ ଯୋଜନାବଦ୍ଧ ଭାବେ ଟାଙ୍ଗିଆ ଓ ଠେଙ୍ଗାରେ ମାରି ବାରିପଟେ ଏକ ଗାତ ଖୋଳି ପୋତି ଦେଇଥିଲେ ବୋଲି ଅଭିଯୁକ୍ତ ସ୍ୱୀକାର କରିଛି ।