ମୁମ୍ବଇ: ସୋନୀ ଟିଭିରେ ପ୍ରସାରିତ ଇଣ୍ଡିଆନ୍ ଆଇଡଲ୍ ପ୍ରତିଯୋଗୀ ପୱନଦୀପ ରାଜନ୍ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ଏବେ ସେ ମୁମ୍ବଇସ୍ଥିତ ଏକ ହୋଟେଲରେ କ୍ୱାରେଣ୍ଟାଇନରେ ଅଛନ୍ତି। ଏହି ଖବର ପ୍ରସାରିତ ହେବା ପରେ ପୱନଙ୍କ ପ୍ରଶଂସକମାନେ ଦୁଃଖ ପ୍ରକାଶ କରିବା ସହ ତାଙ୍କର ଆଶୁ ଆରୋଗ୍ୟ କାମନା କରିଛନ୍ତି। ଆଗାମୀ ଏପିସୋଡ଼୍ରେ ସେ ମଞ୍ଚ ପରିବର୍ତ୍ତେ ହୋଟେଲ ରୁମ୍ରୁ ଗୀତ ଗାଇବେ ବୋଲି ଜଣାପଡ଼ିଛି। ହୋଟେଲ ରୁମରୁ ହିଁ ନିଜର ସଙ୍ଗୀତ ପରିବେଷଣ କରିବାକୁ ପଓ୍ବନଦୀପ ବିଚାରକ ମଣ୍ଡଳୀଙ୍କୁ ଅନୁରୋଧ କରିଥିଲେ ଏବଂ ସେମାନେ ତୁରନ୍ତ ରାଜି ହୋଇଥିଲେ ।
ସୂଚନାଯୋଗ୍ୟ, ଉତ୍ତରାଖଣ୍ଡର ଚମ୍ପାବତ୍ ଜିଲ୍ଲାର ବାସିନ୍ଦା ପଓ୍ବନଦୀପ ରାଜନ। ଇଣ୍ଡିଆନ ଆଇଡଲ ମଞ୍ଚରେ ଚମତ୍କାର ସଙ୍ଗୀତ ପରିବେଷଣ କରି ସେ ଲୋକଙ୍କ ମନ ଜିତିବାରେ ସଫଳ ହୋଇଛନ୍ତି । ବର୍ତ୍ତମାନ ସେ ଟପ୍-୯ ପ୍ରତିଯୋଗୀଙ୍କ ମଧ୍ୟରେ ସାମିଲ ଅଛନ୍ତି।