ଥାନେ : କୋଠା ଭୁଷୁଡିବାରୁ ୭ଜର ପ୍ରାଣ ହରାଇଛନ୍ତି । ଶୁକ୍ରବାର ମହାରାଷ୍ଟ୍ରର ଥାନେ ଜିଲ୍ଲାରେ ଥିବା ଉଲ୍ଟାସନଗରରେ ଏହି ଅଭାବନୀୟ ଦୁର୍ଘଟଣା ଘଟିଛି । ରାତି ୯ଟା ସମୟରେ ହଠାତ୍ କୋଠାଟି ଭୁଷୁଡିବା ଆରମ୍ଭ କରିଥିଲା । ଏହାପରେ କୋଠାରେ ଉପସ୍ଥିତ ଥିବା ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଥିଲା । ପ୍ରାଣବିକଳରେ ଏତେତେଣେ ଦୌଡି ପଳାଇଥିଲେ ।
ସ୍ଥାନୀୟ ଲୋକମାନେ ଏହାକୁ ନେଇ ଦମକଳ ବିଭାଗକୁ ଖବର ଦେବା ପରେ ପୋଲିସ୍ ଏବଂ ସ୍ଥାନୀୟ ପ୍ରଶାସନ ମଧ୍ୟ ଆସି ଘଟଣାସ୍ଥଳରେ ପହଞ୍ଚିଥିଲା । ଏହାପରେ କୋଠା ଭିତରେ ଫସି ହୋଇ ରହିଥିବା ଲୋକଙ୍କୁ ବାହାରକୁ ବାହାର କରିଥିଲେ ଉଦ୍ଧାରକାରୀ ଟିମ୍ । ଏଯାବତ୍ ୭ଲୋକଙ୍କ ମୃତ ଶରୀର ବାହାର କରାଯାଇଛି । ଅନେକ ଲୋକ ଫସି ହୋଇ ରହିଥିବା ସୂଚନା ରହିଛି ।