ଭୁବନେଶ୍ୱର: ଲକ୍ଡ଼ାଉନ୍ ସୁଯୋଗ ନେଇ ରାଜଧାନୀରେ ବେଆଇନ ନିଶାବେପାରି ମାଲାମାଲ । କର୍ଫ୍ୟୁ ଜାରି ସତ୍ୱେ ସକ୍ରିୟ ହୋଇଉଠିଛନ୍ତି ମଦ ମାଫିଆ । ଖୋଲାଖୋଲି ଚଢା ଦରରେ ବିକ୍ରି କରୁଛନ୍ତି ଲକ୍ଷ ଲକ୍ଷ ଟଙ୍କାର ମଦ । କମିଶନରେଟ ପୁଲିସ୍କୁ ଚକମା ଦେଇ ନିଶା ବେପାରରେ ଲିପ୍ତ ଥିବା ୨ ମଦ ମାଫିଆଙ୍କୁ ଗିରଫ କରିଛି କ୍ୟାପିଟାଲ ଥାନା ପୁଲିସ ।ସେମାନଙ୍କ ଠାରୁ ୩୨.୭ ଲିଟର ମଦ , ୫ହଜାର ଟଙ୍କା ଓ ୨ ସ୍କୁଟର ଜବତ୍ କରିଛି । ଲକ୍ଡ଼ାଉନ୍ ସମୟରେ ବ୍ୟାପକ ଚୋରା ମଦ କାରବାର ଚାଲିଥିବା ବେଳେ କିଛି ଦିନ ତଳେ ନୂଆପଲ୍ଲୀ ଅଂଚଳରୁ ଲକ୍ଷାଧିକ ଟଙ୍କାର ଦାମୀ ମଦ ଜବତ୍ କରିଥିଲା ପୋଲିସ୍ ।